Жұмыс жасаудың пайдасы:
- Бұғанаң ерте қатаяды
- Шымыр боласың
- Қалтаңда ақша жүреді
- Үйде қадірлі боласың
- Тамақ дәмді болады
- Бос уақытыңды пайдасыз нәрсеге жұмсап өткізу деген әдет болмайды
- Көбірек тәжірибе жинайсың
- Теорияны практикада тексеріп көресің
- Бір істің маманы боласың
Ал сабақ оқып жүріп, жұмысты қалай қатар алып жүруге болады? Ол үшін:
- Сабақ кестесін жаса.
- Қанша бос уақытың бар екенін есепте.
- Жұмысты сабақтан тыс уақытта жасауға жоспарла.
- Егер сабақ уақытын өзгертуге болатын болса, онда жұмысқа ыңғайлап өзгертіп ал. Мысалы, сабақтардың арасында 1-2 сағаттық үзіліс болса, соларды қысқарту керек. Орнына басқа пәнді оқу керек.
- Егер жұмыс уақытын өзгертуге болатын болса, онда сабаққа қарай ыңғайлап ал.
- Жұмысың бар екенін сабақ беретін мұғалімге ескертіп қой. Ара-арасында форс-мажор ситуацияда ескертіп қоюды ұмытпа.
- Сабағың бар екенін жұмыс берушіге ескертіп қой. Маңызды емтихан кезінде айтып қоясың.
- Жұмысың сабаққа кедергі келтірмесін. Өйткені жас кезде сабақ бірінші орында тұрады. Білім алу – мидың толық мүмкіндіктерін ашу үшін беріледі. Ары қарай оны өзің дамытасың. Ал жұмыс істеп кез келген уақытта үлгересің.
- Біліммен қаруланып жұмыс істесең, табысың да, өнімділігің де көп болады.
- Білімсіз жұмыс істесең, тек физикалық жұмыс қана істейсің. Табысың әртүрлі немесе салыстырмалы түрде аз болады. Бірақ шаршайсың.