📌Рас, қазір жасанды аудармашылар көп. Бірақ оларды түсіне аласың ба? Жоқ. Атала боп кетеді. Оған адамның қолы керек. Абай би-шешендермен жиі араласты деген сөйлемді Абай много общался с танцорами и чеченцами деп аударып береді😂🥲. Жасанды аудармашылар экономикалық, техникалық, ғылыми мәтіндерді салыстырмалы түрде жақсы аударуы мүмкін. Ал әдеби мәтінге мүлдем шамасы келмейді.😳
📄Дәлме-дәл аударуға тек жасанды интеллект қана шамасы жетеді. Ал ондай интеллекті жасау мүмкін емес. Ондай жасалынған күнде тек аудармашы емес, бүкіл мамандықтар келмеске кетеді. Неге? Себебі адам секілді ойлай алатын робот адамды қажетсінбейді.😬
♻️Әр тілдің өзіндік логикасы, әдемілігі, сөздік қоры, байлығы, мақал-мәтелі бар. Оны алгоритмге, математикалық дәлдікке сала алмайсың.
😑Ауруын жасырған өледі демекші, шындығын айтқанда Қазақстанның даму деңгейі Еуропадан, АҚШ-тан кемінде 50-100 жыл артта қалған. Ол жақтың өнерін үйреніп, елімізге енгізгенше әлі талай өзен тасып өтер, талай жауын шашып өтер, талай аудармашы әдемі сөз іздеп басын қасып өтер.
✅Қазіргі уақытта дәл бұрынғыдай аудармашыға сұраныс болмаған.
Бұл мамандықтың болашағы енді дамиды. Ал сен қандай маман иесі атанғың келеді?😎