2021 жылы 145 мыңнан астам талапкер Ұлттық бірыңғай тестілеуді тапсырды.
Тестілеу қорытындысы бойынша 88 мыңнан астам талапкер шекті балл жинады, бұл қатысушылардың жалпы санының шамамен 60%-ын құрайды. Тестіленушілердің 57 187-сі немесе 39,4%-ы шекті балл ала алмады. Өткен жылы 36,1%-ы шекті балл жинай алмаған еді.
Ең жоғары балды (140 балл) Павлодар қаласының талапкері жинады. 1923 оқуға түсуші 120 балдан жоғары нәтижеге қол жеткізді.
Тестілеуді 109 693 немесе 75,5% түлек қазақ тілінде, 35 245 немесе 24,3% орыс тілінде тапсырды. ҰБТ орташа балы 69,08 баллды құрады, бұл өткен жылдың көрсеткішінен 5 балға жоғары.
Орташа баллға қарап шешім шығару қате
Көбісі жасайтын қателіктердің бірі: жалпы ҰБТ тапсырғандардың орташа балы өткен жылға қарағанда шамамен 5 баллға жоғарыласа, демек бір мамандыққа мысалы жалпы медицинаға да 5 балл жоғарылайды деп ойлап қалады.
2019 бен 2020 жылы ҰБТ тапсырғандардың жалпы орташа балы шамалас 64 балл болды.
Бірақ 2019 жылы жалпы медицинаға шекті балл - 125, ал 2020 жылы - 103 балл болды.
Осы мысалға ғана қарап жалпы орташа балл арқылы болжам жасау қате екенін түсінуге болады. Бұл мысалда орташа баллға емес медианаға көбірек мән беру керек.
Медианасын қалай есептеу керегін білесің бе?