Сенімділікті қалай арттырамыз?

Сенімділікті қолдан көбейтуге болады. Оған бірте-бірте қол жеткіземіз. Мысалы, жетістіктер тізімін жасау. Күн сайын жасалуы оңай 5 істі жазыңыз. Мысалы, аяқ киімді жақсылап тазалау, шашылған кітаптарды жинап реттеу, ескі досыңа қоңырау шалу, т.б. осындай майда істерді істеген сайын, қаныңа эндорфин гормоны бөлініп, өзіңді жақсы сезінесің. Миың сене бастайды. Бірте-бірте үлкен істерге назар аудара бастайсың.

Күн сайын 5 шаруаны жасап, оны қағазға жазған сайын бүгін дым істемедім деген ішкі жегіден құтыласың. Уәде еткен нәрсені істедің деп ми өзіне көңілі толады. Қолымнан бәрі келеді деген ой санаңа ене бастайды. Өзіңе құрметің артады.

Бір күшейген соң үлкен мақсаттарды да орындап тастау жеңіл болады. Бір күнде 150 бет кітап оқимын деп мақсат қойып, мүлдем орындамай кеткенше, одан да күніне 5 беттен оқып, бір айда бітіру әлдеқайда жақсы емес пе!

Жылдам дегеніміз = аз-аздан + тұрақты, күн сайын!