Мнемоника - ұмытпайтындай етіп, ақпаратты есте сақтау өнері. Бұл техниканың бірінші ұстанымы: визуализация. Қандай да бір ақпаратты тез әрі ұзақ уақытқа дейін жаттап алу үшін, оны ойша елестетіп көру керек. Мысалы: әдемі, автобус, Пәкістан, ел деген сөздерді қалай жаттауға болады? Бір қарағанда бұл сөздердің бір-біріне ешқандай қатысы жоқ секілді, бірақ сізге оларды жаттау керек. Ол үшін миды кішкене қозғап, мынадай сөйлем құрастырып шығуға болады: Пәкістан әдемі автобустары бар ел.
Бастысы: ақпаратты жаттау болғандықтан, сөйлемдеріңіз неғұрлым біртүрлі болса, соғұрлым жақсы.
Егер сізге тарихтан хандарды жаттау қажет болса, онда әр ханға қатысты ойша бір сөзді ойлап табыңыз. Мәселен: Кенесары - кене(яғни жәндік).
Бұл әдістің тиімді жақтары: миыңызды креативті ойлауға, жаңа идеяларды ойлап табуға итермелейді. Сонымен қатар осылай жаттау, қарапайым жолмен жаттап отырғаннан әлдеқайда қызығырақ. Терминдер, формулалар барлығын да осы техниканы қолданып жаттаңыз, ара-тұра қайталап отыруды да ұмытпаңыз.